Во Имя Отца́, и Сы́на, и Свята́го Ду́ха. Ами́нь.
Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́ко и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго.
Спаси́, Го́споди, лю́ди Твоя́, и блогослови́ достоя́нiе Твое́, побѣ́ды на сопроти́вныя да́руя, и Твое́ сохраня́я Крѣсто́мъ Твои́мъ Жи́тельство.
Очи всѣ́хъ на Тя́, Го́споди, упова́ютъ, и Ты́ дае́ши и́мъ пи́щу во благовре́менiи, отверза́еши Ты́ Ще́друю Ру́ку Твою́ и исполня́еши вся́кое живо́тно Благоволе́нiя.
Богоро́дице Дѣ́во, ра́дуйся! Благода́тная Марíе, Госпо́дь съ Тобо́ю; благослове́нна Ты́ въ жена́хъ и благослове́нъ Пло́дъ Чре́ва Твоего́, я́ко Спа́са родила́ еси ду́шъ на́шихъ.
Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.
Аллилу́ія, Аллилу́ія, Аллилу́ія, Сла́ва Тебѣ́ Бо́же. (трижды)
Го́споди, поми́луй. (трижды)
Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, благослови́ я́стие и питіе́ рабо́мъ Твои́мъ Си́лою Четсна́го и Животворя́щего Креста́, моли́твами Пречи́стыя и Преблагослове́нныя Твоея́ Ма́тре, предста́тельствы Честны́хъ Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь. (троекратно осеняем трапезу Крестным Знамениемъ, после чего садимся и благоговейно вкушаем пищу.)
КРАТКОЕ БЛАГОСЛОВЕНИЕ ТРАПЕЗЫ
(часто употребляемое)
Очи всех на Тя, Го́споди, упова́ют, и Ты дае́ши им пи́щу во благовре́мении, отверза́еши Ты ще́друю ру́ку Твою́ и исполня́еши вся́кое живо́тно благоволе́ния.
(Или:) О́тче наш… (Моли́тва Госпо́дня), затем: Го́споди, благослови́ пи́щу и питие́ рабо́м Твои́м, я́ко Свят еси́ всегда́, ны́не и при́сно и во ве́ки веко́в. Ами́нь.
Источник: традиционный текст молитвослова / выделение из «Молитвы в продолжении дня»